Паркети и Mastafarizam Sound System во МКЦ

Во име на Свети Трипун пијаницата, или, ако повеќе сакате, Свети Валентајнс, или, како прослава на петок 13ти поминат без потешки повреди, или апсолутно без никаков повод;
на 14 февруари, сабота, со почеток од 21:00 часот во Младинскиот културен центар ќе настапат Паркети и Mastafarizam Sound System

Влезот за овој настан ќе биде 50 денари, a картите ќе може да се набават на самиот ден на билетарата на Младинскиот културен центар

http://www.plagij.at/index.php?sajt=more&id=3408

Паркети во Кастро на 29.12.

Две недели по настапот во МКЦ во склоп на Таксират, откачените битолски панкери Паркети повторнo доаѓаат во главниот град. На 29.12. (сабота) тие ќе се претстават со целовечерен концерт пред скопската публика во клубот Кастро.

Нивните предновогодишни концерти во овој клуб веќе стануваат традиција, ако се земе во предвид дека и минатата година настапија во Кастро на неколку дена пред најлудата ноќ. Покрај старите добри хитови, Битолчаните ќе претстават и дел од новите песни кои се отпеани на англиски јазик. Концертот ќе започне во 21 часот, а цената на влезницата е 150 денари.
Бидете таму!

http://www.plagij.at/index.php?sajt=more&id=2348

Паркетско изненадување

Како мал стално сум се прашувал што уствари е тоа дрвото на подот дома, и како се вика. Стално сум го добивал одговорот дека тоа е тука за да не топли, а се вика паркет. Среќен со таа информација растев се додека не се запознав со уште едно значење на зборот. Хм... Паркети... колку тоа добро звучи... панк! Почнав да ги слушам на мади години и никогаш не престанав.

Е сега како што веќе сите знаете оваа Сабота на 18.02.2006 нашата омилена група Паркети ќе имаат целовечерен концерт во МКЦ, се надевам дека сите сте спремни, и сите сте во очекување да дојде Сабота. За уживањето да биде уште поголемо, Паркети ни приредија уште едно големо Паркетско изненадување... Имено, новиот спот за една од најубавите песни (Мравка зелена) на паркети од новиот албум (Тајната на името), е готов и спремен за даунлоад. Ова ќе ви дојде како одлично загревање за тоа што ќе се случува таму... Паркети најавуваат шоу, а знаејќи ги нив, не е можно ништо друго и да се случи. Голем Паркетски поздрав... и се гледаме во Сабота!

http://www.plagij.at/more.php?id=784

Ќе се местат Паркети во Велес

Паркети продолжуваат да паркетосуваат каде ќе стасаат, поканети или непоканети, голи или соблечени. На пример, се враќам јас вечерва од Скопје во мојот роден, сегашен и блиско-иден престојувалишен град Велес и, на пат накај дома, на влезот на ВаВа читам:

Паркети, петок 03.03.

Најпрвен се надевав дека се што ќе се случува е дека ќе се местат паркети во ВаВа, ама откако влегов внатре ме протемнија кога ми кажаа дека баш оној битолскион бенд ќе свирел. Хороооор, како што изјави полковник Курц од познатиот филм, не ви кажувам како се вика. А и во книгата го има тоа изјавено. Брандо.

Така. Петок, 22:00.
Бидете таму, гага е.

http://www.plagij.at/more.php?id=859

Еве, и јас најдов некоја стара статија од нив...


Човек уште од раното детство со себе носи разни соништа кои сака да му се исполнат кога ке порасне. Незнам со што сум заслужил навистина, што мојата бајка постана дел од стварноста, али фала му на бога наповеќе а и на другарите кои ми помогнаа во тоа. Судбината сама си го направи своето кога не зближи со Симс Паркет уште во прво одделение. Двајцата сакавме да имаме група и не се сеќавам баш на се ама во второ или трето оделение групата ни се викаше Бели Пламен и имавме песни на српскохрватски пошто тогаш беше Југославија. После основното училиште мислевме ке биде крај а јас ќе сум научник по физика, ама од пишаното не се бега со Симс пак се сретнавме и зимата 1988-89 направивме група во која дојде и Славе Паркет мој другар од малото. Гибсоон се викавме незнам ни сам зашто, али имавме еден настап на една гитаријада.... Симсот почна да скока и кабелот пет пати му се откачи и јас среде третата песна си заминав од бината резили се направивме. Пресврт настана кога за басист го зедовме убавецот Роберт кој стана наш басист беше постар од нас и не научи некои работи... Слушавме NIRVANA кои не беа уште славни и RAMONS кои ни беа највеќе во срцата. -1991 есента снимивме четири песни од кои "Клара Ми Се Скара" стана хит на тогашната демо топ листа и оттогаш го измисливме името Паркети... Во Битола. Настапите беа на плејбек и публиката секогаш беше во екстаза на нашите појачувања. Беа тоа убави времиња. Следеа настапите на скопските Рокфестови на првиот 'HARDCORE FEST' во Скопје па во Штип, Кичево, Кавадарци и во Битола кај "Пајнчата" 1992 беше убава година која на крајот ја скршивме со песната "Бал". -1993 беше година кога бевме најпанк тогаш е снимена и песната " Да ја е**м бабати на летанње. -1994 на пулсирање се појавивме со "Бал" и Македонската публика првпат виде колку сме лепота од бенд. Таа година свиревме со ПСИХОМОДАПОП во Скопје на двата концерти во куршумлиан. -1995 уште двапати излеговме на пулсирања а есента го снимивме 'Грижа на совеста'.... -1996 самостојно го издадовме и се продаде во околу официјално 400 примероци. Во Мај таа година свиривме на Македонскиот Вудсток во Штип и на Мајскиот Рок Хепенинг во Битола... Тогаш јас си заминав од Паркети и не мислев пак да се вратам. Имаше многу причини за тоа тогаш али не е битно сега пошто тука сум пак. Без мене Паркети го зедоа брат ми за пеач и снимија нов албум 1997 кој го крстија "Газирана Хармонија. Тогаш дојде и новиот басист Горан Паркет и имаа неколку настапи во Македонија солидни. Јас инаку тој период сеуште контактирав дури и свирев на два концерта во Штип и Битола излегов со нив на Шоуто мора да продолжи и на канал5 во Скопје и напишав две песни за нивниот албум... 2000 крајот дефенитивно пак дојдов од разни причини бо Битола и на искрена молба на Симс Паркет решив да пробаме пак да ја оживееме групата која верувајте беше во тотален хаус сите членови беа скарани еден со друг и никој не веруваше дека можиме пак да бидеме добар бенд... Мене ми дојде идеја да снимиме две нови песни и да направиме компилација со сите стари песни демо и од двата албуми... така 2002 излезе преку LITHIUM RECORDS " NO TINKATION" на кој има и мултимедиален дел со слики текстови и сите наши песни во MP3. 2002 настапивме на АЛАРМ и беше лудо а и промоцијата направивме во Скопје на која поделивме 200 CD-а поклон. Па од тогаш до сега се спрема четвртиот албум кој сеуште незнаеме кога ќе излезе но се надевам почетокот на 2004. Инаку има нов член во Паркети тоа е Марија Паркет за првпат женско во бендот имаме и многу ја сакаме и таа нас... А за тапанар прашање е кој ќе биде понатаму Ќе дознаеме... Што ке даде господ тоа нека е ние не се даваме лесно слушајте Паркети за срцето да ви свети... Фала уште еднаш на сите кои беа Паркети а не ѓи споменав: Пеце Сидни, и друѓи тоа се претежно басисти кои се менуваа со текот на годините.

Еххх ова е баш стар запис од Сашо...многу работи се сменија од тогаш.На наша среќа. :D :D

БИТОЛСКАТА ГРУПА НАЈАВУВА НОВ СИНГЛ

„Паркети“ сака да ја гали Елена Ристеска

Наскоро во македонскиот етер ќе биде пуштена песната „Сакам да те галам“, која „Паркети“ ја сними со Елена Ристеска

Битолскиот панк-рок-состав „Паркети“ наскоро во јавноста ќе го претстави дуетот „Сакам да те галам“, кој го сними со поп-пејачката Елена Ристеска. Бендот најавува дека ќе го снима новиот студиски албум, кој ќе има македонска и англиска верзија. „Паркети“ неодамна настапи на „Макфест“, на кој се претстави со темата „Ноќ од 1.000 дена“. Облечени како „Битлси“, тие ја освоија публиката.

- Секогаш сум задоволен од мојот настап се' додека не се погледнам на телевизија. Тогаш сфаќам дека бадијала сум бил задоволен. Не знам зошто е тоа така, но не си се бендисувам, можеби поради лошиот пренос што во Македонија се' уште го негуваме иако сме 21 век. Гледано во целина, мислам дека бевме супер. Првпат сите бевме облечени исто, благодарение на градоначалникот на Битола, кој ни беше единствен спонзор - вели Сашо Паркет, а Марија додава дека организацијата на фестивалот била одлична, дури поубава од таа на Олимпијадата во Пекинг, само што келнерките биле малку збунети.

КОМПРОМИС ВО КОРИСТ НА ПОПУЛАРНОСТА

Рок-групата, често дефинирана како „откачена“, наскоро во етер ќе го пушти дуетот „Сакам да те галам“, направен со Елена Ристеска.

- Песната е снимена уште во мај, но наскоро ќе може да ја слушнат нашите фанови. Музиката и текстот се на „Паркети“, а веројатно за неа ќе има и видеозапис. Тоа засега не е потврдено - вели Сашо Паркет.Тој најавува и снимање на дел од песните што би требало да се најдат на новиот студиски албум на групата. Покрај македонската верзија, тие ќе промовираат уште едно издание со англиски нумери.
- Работниот наслов на албумот е „Пакет од јагоди“, зашто на него веројатно ќе се најде песната „Строубери“, со која настапивме на „Евровизија“ како и „Ноќ од 1.000 дена“ од „Макфест“. На македонскиот албум ќе има и нови и стари композиции, а на англискиот ќе бидат исклучиво нови песни - вели Сашо Паркет.

Иако групата зачести со настапи на домашните фестивали за забавна музика, членовите велат дека тоа не значи оти ќе го сменат стилот. Зоки Паркет укажува дека и на „Цветници“ да свират, секогаш ќе останат исти.

- Велат дека патот од илјада чекори почнува со првиот чекор. „Евровизија“ и „Макфест“ ни беа 267-от и 268-от чекор колку што паметам, а до 1.000 има уште многу. Признавам дека годинава мораше да направиме неколку компромиси во корист на нашата популарност, но сега ќе продолжиме со нашиот изворен стил - вели Сашо.

НЕ ИМ СЕ ПОКЛОНУВАМЕ НА СВОИТЕ ИДОЛИ

Песните на „Паркети“, чии автори се членовите на бендот, според нив, се „лек против болки“ и во нив може да се почувствува вечното трагање по совршена љубов.

- Кога создавам песна, уживам во посебна димензија, особено моментот кога ќе биде готова е многу, многу возвишен. Тогаш обично паѓам на колена и му се заблагодарувам на Господ што ми допуштил тоа да го направам. Не може секогаш да успее. Секоја убава песна е ремек-дело што трае и им го разубавува животот на луѓето - вели Сашо.„Ролингстоунс“, „Рамонс“, „Битлси“, „Нирвана“ се само дел од омилените групи на „Паркети“. Сепак, тие велат дека не сакаат да се споредуваат со своите идоли, туку да учат од своите грешки.

- Најубави моменти во животот ни се кога сме на сцена и свириме, особено кога сме пред нашата публика што е дојдена да ужива со нас. Во иднина сакаме да настапиме за цела политичка гарнитура. Ако не' поканат некогаш, на свечен прием, со задоволство би прифатиле - вели Славе Паркет.Единствената девојка меѓу четворицата „паркети“, Марија, вели дека да се биде женско во група како нивната некогаш ја тера да се чувствува како кралица, но некогаш како робинка, а сепак, ефектот секогаш е ист - паркетски.

ИНФО-Поп-паркети

Битолската група „Паркети“ речиси 15 години е дел од алтернативната сцена во Македонија, но од пред неколку месеци почна да настапува и на поп-фестивали како домашниот избор за претставник на Евровизија и на „Макфест“. „Ролингстоунс“, „Рамонс“, „Битлси“, „Нирвана“ им се омилените групи. „Пакет од јагоди“ е работниот наслов на нивниот нов студиски албум. Најавуваат и издание со нумери на англиски.

http://www.dnevnik.com.mk/?itemID=B2A272D540F7404CA249750A876F517B&arc=1

ЗОКИ ПАРКЕТ музичар и професор по историја:

Во втората половина на 80-тите редовно киснев во една флиперница покрај Драгоро. Имав 10 години и играв игри со ракети на Комодоре 64. Тука прв пат видов компјутер.

Во раните 90-ти кога требаше да се запишам во средно училиште, како услов да станам средношколец, требаше да одам на курс за компјутери и да добијам потврда дека сум информатички писмен... Малку поодив, а бидејќи дома немав компјутер не се заинтересирав премногу за компјутерите.

Денес имам Пентиум 3, нешто појачан со рам и сл... Инетрнетот најчесто го користам за пронаоѓање музика и разни информации поврзани со различни музички бендови. Предавам историја, па често на Интернет барам слики или се информирам во врска со некоја книга.

http://www.nau4i.net/nezadolzitelno/52-prv-kompjuter/164-komodore64-seznaecka-sila-vo-bitolskiot-javor.html

„Паркети“ во дует со Елена Ристеска

„Сакам да те галам“ е насловот на заедничката песна на битолската група „Паркети“ и поп-пејачката Елена Ристеска, чија промоција ќе се случи наскоро. Песната е снимена во мај годинава, а комплетни автори се членовите на „Паркети“, кои најавуваат и нејзин видеозапис. Во меѓувреме, пак, се работи на нивниот нов албум кој ќе биде снимен на македонски и на англиски јазик, а чија работна верзија е насловена како „Пакет од јагоди“ според песната „Строубери“ со која се натпреваруваа на домашниот Избор на песна за Евровизија.

http://www.utrinski.com.mk/?ItemID=EF35062CB0F6EB4C97487F58C5872CA5

Промовира нова песна и цел албум



Напладне, вторник, 26 јуни, битолчаните „Паркети“ среде Скопје, на улица „Македонија“, во кафулето „Тајмлес“ го промовираа својот нов, четврти албум, наречен „Мамо, не му кажувај на тато“. На еден трошок, што дел го покрива Општина Битола, а дел самите паркети, беше промовирана и заедничката песна и спот со Ања Ветерова - „Јас те сакам тебе“.

http://www.utrinski.com.mk/?ItemID=340C5C989BFEBD479DE58F89551D8927

ПОРАДИ ДАРКО АНТОНОВСКИ


Паркети ја закачаат Ања Ветерова

Режисерот Дарко Антоновски деновиве под капата на својата видеопродукција Цоммунитѕ Пицтурес го сними првиот професионален детски спот. Записот е за песничка на 9-годишната Ања Ветерова, која неодамна сними дует со битолчаните Паркети. Темата е со наслов "Јас те сакам" и токму веселата содржина е главната инспирација на режисерот Антоновски. Во приказната Ања и нејзините другарчиња се забавуваат во импровизираната детска соба додека екипата на Паркети се обидува да им "влета" во нивното мало царство.



Што точно се случува во спотот, гледачите ќе имаат можност да видат наскоро, затоа што одбројувањето до ТВ-промоцијата веќе почна.
"Ви ветувам дека ќе има и тоа како што да се види кога сето ова ќе се спакува и изработи", вели Антоновски.

(А.Т.)

http://www.vecer.com.mk/default.asp?ItemID=952FED33EC884841AE22F3C3167BBA41

ВО НОВИОТ СПОТ


Паркети се возат во хипи-комби



Битолчаните Паркети во спотот за дуетската со Елена "Сакам да те галам" возат комби, што потсетува на хипи епохата. Кадрите, дознаваме, се снимени во текот на минатата недела на неколку локации во околината на Скопје, а гледачите финалниот производ на ТВ-екраните ќе можат да го видат наскоро.

За екранизирање на приказната се погрижи Александар Ристевски - Принц, а продукцијата е на М2.

(А.Т.)

http://www.vecer.com.mk/default.asp?ItemID=9A654A8E67348C45A3EBA7266B2B13CD

ПАРКЕТИ СО СПОТ ЗА СТРОУБЕРИ


Главната улога ќе ја има девојката која ги инспирирала



Битолските панк-рокери Паркети деновиве се ангажирани околу снимањето на спотот за темата "Строубери", со која настапија на домашниот избор за Евросонг. Спотот ќе го работи Константин Плевнеш, а интересно е што главната улога ќе и припадне на девојката која всушност им била инспирација за песната. До реализацијата на овој видеозапис Паркети уште ги очекува и промоција на спотот за "This rain will go away", како и првоаприлска свирка на плоштадот "Македонија" во Скопје. Интензивно работат и на новиот албум, како и обработката на темата "Пара бери киселец" на француски јазик.

http://www.vecer.com.mk/default.asp?ItemID=21E868D6961C9546B80B88F573E7C2CE

САШО ПАРКЕТИ:


Свириме за 1.000 денари по човек



Албумот на битолчаните Паркети "Мамо, не му кажувај на тато" конечно е достапен за паркет публиката и тоа за 100 денари. Музичкото парче на панк -рокерите содржи 12, 5 песни и летово ќе го промовираат низ повеќе градови.

"Свириме за 1.000 денари по човек, а некогаш не земаме ни толку. Настапуваме и без пари затоа што сакаме да свириме. На 3 јули сме во Скопје во клубот Хавана, ќе почекаме малку да се свртат песните за нашата публика да пее со нас. Летово ќе бидеме претежно во Охрид затоа што сите одат таму на капење", изјави на вчерашната промоција вокалот на групата Сашо Паркет.

На ЦД-то се наоѓаат и песните "Сакам да те галам" со Елена Ристеска и "Јас те сакам тебе" со деветгодишната Ања Ветерова. Песната со Ања има спот кој го изработи Комјунити пикчерс и е во режија на Дарко Антоновски.

"Ги обожавам Паркети и им пратив покана да направат песна за да ја отпееме заедно и многу сум среќна што можам да се дружам со нив", рече Ања, а Сашо Паркет ја дополни и рече дека ќе ја водат на концерти со нив ако не пие пиво.

(А. Ѓ.)
Д. Андоновски

http://www.vecer.com.mk/default.asp?ItemID=83404360DC747845B54733AB3D1B9692

п.с. ја са оволико година не пијем пиво,а девојчица од 9 година ће пити ипак ће је водити на концерте