Мамо не му кажувај на тато“ е насловот на новото цеде на битолската група „Паркети“, кој од денеска по скромна цена од сто денари ќе се продава на сите продажни места на „Време“. Членовите на група велат дека ова нивно издание, четврто по ред, содржи 12, 5 песни. - Намерно не сакавме да напишеме 13, а патем и така се решивме зашто макфестовската песна „Ноќ од илјада дена“, или позната како „Јас имам бакнеж“ ја сметаме за половина песна. Албумот го финансираа нашите мајки, тие ни дадоа пари и затоа и моравме да ставиме и таков наслов - на шега велат членовите на групата. Претпромоцијата се случи на свирката што на седми јуни ја одржаа во „Импакт“ во Велес. На 11 јуни, по полноќ, „Паркети“ албумот ќе го претстават концертно пред своите сограѓани битолчани во клубот „Инфинити“. На 12 јуни настапуваат во „Селект“ во Струмица. Турнејата продолжува на 19 јуни во „Фул хаус“ во Радовиш, на 20 јуни во „Арт кафе“ во Свети Николе, а завршува на петти јули со свирка во клубот „Хавана“ во Скопје.

http://vreme.com.mk/DesktopDefault.aspx?tabindex=4&tabid=1&EditionID=1726&ArticleID=115364