Ања Ветерова ги построи Паркети



"Јас те сакам тебе" е песната која битолчаните Паркети специјално ја напишаа за деветгодишната Ања Ветерова и заедно снимија спот. Видеозаписот кој ќе биде промовиран денеска го изработи Комјунити пикчерс и е во режија на Дарко Антоновски. Песната се наоѓа на новото ЦД на Паркети "Мамо, не му кажувај на тато". На студискиот албум на битолските панк-рокери ќе се најдат ни помалку ни повеќе туку 12,5 песни. Ваквата одлука, според бендот, е заради фактот дека 13 е баксузен број, па токму 13-та песна ја снимиле до пола. Освен десетина нови, на албумот ќе се најдат и веќе познатите Сакам да те галам со Елена Ристеска и Строубери. Како комплетни автори се јавуваат членовите на групата, кои најавуваат промотивни концерти низ земјава.