Home
Битолските Паркети вчера во Скопје го промовира својот нов албум Мамо не му кажвај на тато, и заедничкиот спот со малата Ања Ветерова, за темата Јас те сакам тебе, во режија на Дарко Антоновски. Спотот е веќе во нашата видео-галерија.
Албумот содржи 17 песни и зафрканции, меѓу кои се и веќе познатата Строубери, со која лани настапија на националниот Евросонг, потоа Сакам да те галам, која ја отпеаја со Елена Ристеска, веќе споменатата Јас те сакам тебе, која е соработка со Ања Ветерова.
Дисковите се печатени во австриската филијала на Сони, а низ Македонија албумот на Паркети може да се купи за симболични 100 денари.
Паркети на 3. јули, во клубот Хавана, концертно ќе го промовираат своето најново издание. Освен тоа, Паркети најавија дека наскоро ќе промовираат и уште еден спот за песната Ева Мендес, кој ќе биде во поандерграунд стил.
Бидејќи многумина велат дека сме станале буљаши, решивме да направиме еден поандерграунд спот во наш стил за песната Ева Мендес. Спотот ќе има интересна приказна и можеби ќе треба да се емитува во доцните ноќни часови и ќе биде забранет за помлади од 16 години – изјави водачот на бендот Сашо Паркет.
Подршка за Паркети и Ања со своето присуство го дадоа пејачите Елена Ристеска, Александар Митевски..., како и многубројни новинари и ТВ-екипи...
